Aizawl : Champhai khawpui kianga luang Keilungliah lui khuah mek peihfel a nih hnua enkawl zui kawnga hma la tura sorkarin a din, District level committee chu chu nimin khan an Chairman, Champhai Bawrhsap James Lalrinchhana hovin Keilungliah tuikhuah kamah an thu- khawm a. Tunhnaia Keilungliah tuikhuaha chesuala nunna chan hial an awm pawi an tih thu leh nunna chan chhung te an tawrhpui thu an sawi.
Thutkhawm kaihhruaitu Champhai Bawrhsap chuan Keilungliah tuikhuah chu Champhai nghahfak leh rohlu tak ni mahse, dan leh thupekte zawm chung zela tangkai taka hman thiam a pawimawh thu a sawi a. Tunhnaia Keilungliah tuikhuaha chetsualna thleng pawi a tih thu leh vanduaina tawk chhung te a tawrhpui thu sawiin, vanduaina tawk buaipui kawnga YMA leh tlawmngaia thawkchhuak zawng zawngte fakawm a tih thu a sawi bawk.
Bawrhsap hova thukhawm chuan Keilungliah kama khawthlirna siamna hmun atan Ma- wngchiah lui thut hahdamna hmar lam, tuikhuah chim chin atanga metre 15 vel hmun chu an thlang a. Tun thla ni 15 atangin Tuikhuah tla- whtute tan luh man puitling tan Rs 20; naupang tan Rs 10, two wheeler Rs 20, three wheeler Rs 30 leh four wheeler tan Rs 50 bithliahin, a buaipui turin Champhai Ve- ngthar VC te inremna siampui an remti.
Keilungliah tlawhtute tana lenkual velna tur Lawngleng dah leh himna kawnga hmalak tulte zirchiang tur sub-commitee pawh din a ni a. Keilungliah tuikhuah leh a kam tifaia hnatlan dan tur te pawh sawihovin, tuikhuah tlawhtute chu faina ngaipawimawh tur- in an ngen bawk.