Detroit Pistons guard Cade Cunningham chu tun season-ah a inkhelh leh tawh hmel lova. A ke veilam a hliam a neih chu zai tir a tum avangin a chawlh rei a ngai dawn.
Kum 2021 NBA Draft a thlan hmasak ber Cunningham hi November 9 atang khan a la inkhel leh lo. Tunhnaiah doctor-te nen inrawnin Pistons lam nen thutlukna an siam a. 2023-24 season atana inbuatsaihna hunah dam taka training camp a zawm theihna turin inzai an thlang ta zawk a ni.
Cunningham hian thla khat chhung chawl hahdam a, a hliam enkawl phawt turin thutlukna a siam a, nimahsela hma a sawn chak loh avangin tunhnaiah inenkawl dan tur dang an ngaihtuah.
Pistons tana player pawimawh zing ami ni nghal derin tun season-ah vawi 12 chauh inkhel hman mahse 19.9 points average a nei hman a. 6.2 leh 6 rebounds leh assist average a nei bawk.
NBA-ah a season hmasa berah Rookie of the Year thlannaah Scottie Barnes leh Evan Mobley te pha lovin pathumna a ni a, NBA chawimawina sang first-team All-Rookie a thlan a ni.