French winger Ousmane Dembele hmalam hun bawkin sawi a hlawh leh hle a. Barcelona lam pawh hemi chungchangah hian an mit a del lova, an club hotute erawhin an hnena a cham zel an ring hle.
Kumin nipuiah Dembele hian Barcelona a contract a neihlai chu hmang zovin free agent a ni hman a. Club dangte nen pawh inbiakna an neih hnuah Camp Nou-ah kum hnih contract thar a ziah belh.
Barcelona lamin an winger kum 25 mi chungchangah hian thuthang tam tak awm a thil kalpui an duh tawh lo.
An sporting director Jordi Cruyff chuan, “Inbiakna kan kalpui reng a, mahse chanchinbu lamte chuan club hrang hrang 200 vel hnenah contract a ziak ang deuhthaw in an lo sawi.”
“Club-ah cham a duh thu min hriattir a, contract hmang zovin a inkhelh lehna tur duhthlang thei a ni a. Kan hnena cham a thlang.”
“Kan club dinhmun, hlawh inpek dan thar a awm tih thlengin a hre vek a, chuti chunga thutlukna siam a ni.” tiin an player chuan hmundang a thlir lo niin an ngai tih a sawifiah.