Hun eng emaw chen hla hit, ‘Shake if Of’ chungchanga copyright thubuai chai anih hnu ah Judge chuan Taylor Swift laka thubuai siam hi a titawp ta.
Hlaphuah thiam Sean Hall leh Nate Butler te’n an hla hit, ‘Playas Go’n Play’ hla thu a la ru nia thubuai siamah hian SWift-i’n an puhna hi a pha a, an hla hi a la hriat ngai loh thu a sawi a ni.
An inkarah hian thu in hmuh lohna rei tak awm mek karah Judge chuan copyright thubuai hi a vai maiin a hnawl a, January 17-a ngaihtuah tura tih pawh chuan khaw eng a hmu dawn lo niin a lang.
Swift chuan hla a phuah thin dan ang bawkin, mite hman rim leh lar thumal te a bel mai a,, hla thu hi tu ta mah a ruk anih loh thu leh ama irawm chhuak, ama phuah vek niin, tan a khawh.
Boruak rit zawk a awm mai dawn nia a lan laiin, Variety magazine chuan he thubuai hi tihtawp mai tha in a leh lam lehlamin an hria a, inremna an siam niin, a tarlang.