Russia-in Ukraine a beih chhunzawm mek lai hian United States chuan Kyiv hnenah hian Patriot air defence system pek a tum mek tih sawi a ni.
US defence thuneitu sangte chuan ralthuam inpekna hi Ninganiah puan chuan a ni dawn niin Reuters news agency hnenah an sawi hlawm.
He system hi khawvela hetiang ralthuam angah chuan a tha ber chi a ni a, tam thama inpek leh inleitir chi pawh a ni lo. Hmun hla tak a kah phak avangin Russian missile leh drone-te chu Ukrainian khawpuite a thlen hmain a lo kap thla hman zel dawn a ni.
Ukraine-in air defence system a neih leh hman mekte ang lo takin Patriot system hian thawktu (crew) a mamawh tam zual thung a, Kyiv sipaiten a nih dan tur ang taka an hman theih tur chuan an inzir deuh fe a ngai dawn bawk.
Russia chuan Ukraine thuam chakna tur thawm awm hi a ngaihven mek a, Patriot pawh hian boruak a tihsan zual rin a ni.