Madhya Pradesh minister hlui leh Congress hruaitu, Sajjan Singh Verma chuan an chief minister thu chhuak hnialin hmeichhe tana pasal neih kum tihpun kher a tul lo niin a sawi.
“Doctor-ten kum 15-ah hmeichhiain nau an pai thei an ti a, a nih chuan engati nge pasal neih nan kum 21 tlin kher a ngaih chhan?” tiin a zawt let.
Verma hian Madhya Pradesh Chief Minister Shivraj Singh-an Thawhtannia a thusawi a chhanglet a ni.
Thawhtanni khan ‘Nari Samman’-ah Chouhan hian hmeichhe tana pasal neih phal chin kum 18 chu kum 21-ah tihpun a tul thu a sawi.
Verma hian an state-a BJP sorkar chu hmeichhe kumtlinglote humhim zo loah a puh.
Verma thu sawi hi Madhya Pradesh BJP, media panelist Neha Bagga chuan chhangin Verma hian India rama hmeichhiate a tibawrhbang niin a sawi.
“An party president pawh hmeichhia a ni thin tih a theihnghilh em ni? Priyanka Gandhi pawh hmeichhia. Sonia Gandhi hi Verma bepawpa mipuite hnena ngaihdam dil tura hrilh turin ka ngen a, an party atang pawhin paih rawh se,” a ti.
Congress thupuangtu, Bhupendra Gupta erawh chuan Verma hian doctor-te thusawi a sawi chhawng mai chauh niin a sawi ve bawk.