Zirtawpnia Tawang-a buaina chhuak chungchang hi eptu party-te chuan parliament inkhawm mekah sawiho an phut a, phalsak an nih loh avangin an chhuak tau hlawm.
An chhuah tauh hnuah hian Rajya Sabha-a eptu leader, Congress President Mallikarjun Kharge chuan thutkhawm kovin hetah hian tun hma lama tel ngai lo, Aam Aadmi Party leh Telangana Rashtra Samithi pawh an tel.
Trinamool Congress MP-te pawh chhuak ve nghal mai lo mah se a hnuah party dang 17-te zuiin rorel kaihruaituin Tawang-a thil thleng sawi a phal loh duh lovin an chhuak ve.
Lok Sabha-ah pawh Sonia Gandhi jovin Congress MP-te an chhuak tauh va, Trinamool-in an zui.
Congress hian kum 1962-a China nena indo tum khan kha tih laia prime minister, Jawaharlal Nehru khan parliament-a sawihona a hawng tih an sawi.