Nimina MZP Conference Hall-a MZP Executive Committee thukhawmin Uniform Civil Code (UCC) chu dodal zel an tum a, Mizoram aiawha Member of Parliament-te pawh dodal tur leh thlawp lo turin an ngen.
MZP President Lalnunmawia Pautu kaihhruai thutkhawm chuan Mizo hnam leh kristianna nen inkalh tlat, UCC chu tun hnaiah India rorelna sangah chhawpchhuak tura hmalak mek chu pawi an ti a, a theih ang anga dodal zel an rel a; Rajya Sabha leh Lok Sabhaa Mizoram aiawh MP-te pawh dodal turin leh thlawp lo turin an ngen nghal a ni.
MZP hruaitute thukhawm chuan Bangladesh tual chhung buaina avanga Mizorama raltlan Zohnahthlakte chu an harsatna leh mangannate a hmunah hmuhpui turin tlawha ZOFEST 2022 neih zawh taka an puala vehbur khawna pawisa tlingkhawmte hlan an rel a, raltlante harsatna tawh chungchangah hian Mizoram sorkar leh BSF hotute sawipui nise, an ti bawk a. Central YMA hmalaknaa LGBTQI shelter sak tum sut leh a ni ta chu lawmawm an ti bawk a ni.