AZL: Lalrinliana Sailo, Speaker, Mizoram Legislative Assembly chuan nimin chawhnu khan Assembly House Annexe Conference Hall-ah Prof. Jangkhongam Doungel lehkhabu ziah, ‘Evolution of District Council Autonomy in Mizoram’ leh ‘Lai Chieftainship and its Impact’ a tlangzarh.
Tlangzarh inkhawmah hian speaker chuan Professor Jangkhongam Doungel lehkhabu a tlangzarh thei chu lawmawm a tih thu sawiin lehkhabu tangkai leh Lai District Council tobul leh inrelbawl dan thuk zawk a hriat theihna tur a nih thu a sawi.
Lehkhabu tlangzarh inkhawm hi Dr Lallianchhunga, Associate Professor, MZU-in kaihruaiin lehkhabu ziaktuin thuhma sawiin sawm bikten an sawi bawk.
Inkhawmah hian H Rammawi, Vice Chairman, Planning Board, Mizoram leh sorkar department-a hotu lian thenkhat leh Mizoram University-a faculty leh sawm bikte an tel.