World Cup semi-final an luhna kawngah an tangkai a. Europe club a khel mek midfielder pahnihten an ram tan Qatar a an chetdan avangin ngaihven an hlawh lehzual. Azzedine Ounahi leh Sofyan Amrabat te January thla a lakluh tum an tam.
Kum a thar veleh football player bazar a inhawng dawn a, club tam takin season khar that theihna tura inthuam chak nan hman an tum.
Kum 22 mi Ounahi hi France a Ligue 1 a table mawngphah a awm club tana inkhel lai a ni a. Angers chairman Said Chabane chuan World Cup avangin an player ngaihventu an pung nasa hle tih a sawi.
“Phone a ri ngun hle a, zep thu a cheng lo. Kan player a la ni a, chhuak duh erawh kan dan theih an awm lo.” tiin a sawi.
Spain coach hlui Luis Enrique pawhin a fak player duhtu zingah hian Barcelona pawh sawi rik tel an ni.
Muallai a luahpui Amrabat pawhin ngaihven a hlawh ve thova. Kum 26 mi Fiorentina midfielder hi Premier League club tha Liverpool leh Tottenham Hotspur te nen sawizawm a ni mek.
A agent Alberto Maria Jimmy Fontana chuan, “Fiorentina ah nikum lam aiin kuminah a pawimawh zawk a, amah ngaihventu tam mahse a club in an ngaihlu hi kan lawm hle.” tiin an dinhmun a sawi.