Ultimate Fighting Championship in March 18 hian London-ah inelna an buatsaih dawn a, UFC welterweight title fight buatsaih a tum.
Nimahsela an ruahmanna hi an puitlin thei ang em tih zawhna a awm a. Champion hlui Kamaru Usman chu Leon Edwards nen rematch an neih tur atan welterweight fighter dang Stephen Thompson thusawi avangin a chiang lo.
Thompson hian kum 35 mi Usman chu a kut zai a ngai dawn a, March thlaah a dam hman dawn lo niin a sawi zeuh a. Hei hian sawi zui a hlawh.
Thompson chuan, “Edwards hian March-ah inlan ngei a duh a, Usman hi an zai dawn avangin Jorge Masvidal lam an tinzawn a ang.” tiin a sawi.
Nimahsela a hnu lawkah Thompson chuan engmah thuchiang a hre lova, a thusawi chu rintlak a nih loh thu social media kaltlangin a sawi lehnghal.
Usman-a manager Ali Abdelaziz pawhin engmah hetiang thu thar a awm loh thu a sawi ve nghal vat bawk.