Aizawl : Congress Thalai Hqrs chuan an President Dr. Lalmalsawma Nghaka official Facebook Page mi tuten emaw hack a nih avangin Cyber Crime-ah FIR vawiin khan an thehlut.
MPYCC President Dr. Lalmalsawma Nghaka facebook page hi November thla tantir khan hack sak niin, Thawhtan zan atang khan he page atang hian thlalak leh thu hrang hrang hacker te hian post-na siam a. Facebook hmunpui lamah report nimahse vawiin thleng khan hack tute hian post na la siam zel a ni.
Dr. Lalmalsawma facebook page hi follower pawh 13,463 zet an awm hman a, bluetick pek niin Mizoram thalai leh nu leh pa tlawh hlawh ber pawl ni a. Hetianga tangkai taka hman a nih laia hetianga hack sak a ni hi MPYCC chuan pawi an tih thu an sawi a. He page khawihtute hian an duh duh post an siam avang hian politics thila inbeihna leh intihhmingchhiat theihna a nih avangin he page atanga post siam reng reng amah Dr. Lalmalsawma tih a ni lo tih lo hre turin Mizoram mipui an ngen.