Hun eng emaw chen a reh hnu a Shah Rukh Khan inlan leh hmasak berna tur, ‘Pathaam’ film thara ‘Besharam Rang’ hla in buaina chawk chhuakin, social media lamah boycott tura ngenna leh nawrna a riring ta.
He hla ah hian sexy taka inlanna a awm a, vantlang en atana him lo leh tul tih lohna a riring hle a, hla mai bakah a film chawpa boycott ngei tura innawrna leh inturna a nasa hle.
Pawm harsa ti tam
Siddharth Anand-a film buaipui Pathaan hian tlangzarh a la ni lova, boruak vuak hot nana ‘Besharam Rang’ hla vawrhchhuah hmasak a ni hian mi tam tak beisei a tibo a, heti taka sexy uchuak vawrhhchuah tul an ti lo.
Pathaan hi spy universe action film niin, Shah Rukh Khan bakah milar dang Deepika Padukone leh John Abraham te pawh an inlan.