Chhiatna lian tak a thlen hnuah hian Bihar-a eptu hrang hrangte chuan sorkar lakah lungawi lohna an lantir nasa hle.
Hindu nationalist BJP chuan Ningani khan state legislature building tualah state sorkarin zu a khapna hlih an phutna an au chhuahpui a, zu chhe in vanga thite chu zangnadawmna pek an phut bawk.
State BJP hruaitu, Sushil Modi chuan kum ruk kal taa an state-a zu khap a nih atangin zu him lo in avangin mi 1,000 chuang an thi tawh tih a sawi.
Chief Minister Nitish Kumar chuan eptute thil phut, zu khapna hlih chu a theih loh tih a sawi thung a, “Keima duh dan bik a ni lo va, kan state-a hmeichhiate tahna avanga tih a ni,” a ti.
“Zu in mite chu an thi ngei dawn a, tuna kan thil tawn hi entirna (example) tha tak a ni,” tiin thuthar lakhawmtute hnenah a sawi.