Aizawl: Mizoram Legislative Assembly-a Deputy Speaker Er. Lalrinawma chuan nimin khan dy. speaker a nihna atanga bânna chu Speaker Lalrinliana Sailo hnenah a thehlut a, a bânna hi pawmsak nghal a ni.
Er. Lalrinawma chuan nimin chawhma dar 10 vel khan Speaker Lalrinliana Sailo chu a pisaah hmuin bânna hi a theh lut a, hemi hnuah chanchinbumi thenkhatin an kawmnaah Er. Lalrinawma chuan tun hnaiah politics inthlak thleng a nasa a, remruatna leh kaihhruaina tha zawk a awm theih nana thurawn a dawn angin bânna chu a theh lut ta tih a sawi.
Er. Lalrinawma hi minister atan lak luh a ni dawn nia a hriat a ni a, hetihlai hian a awm zel dan tur chu an hotute rel tur a nih thu zawhna chhangin a sawi a ni.
Deputy speaker-in bânna a theh luh hi Speaker Lalrinliana Sailo chuan a pawmsak nghal tih thuthar thehdarhtute zawhna chhangin a sawi a, dy. speaker post a ruah thu chungchang chu hriattirna tihchhuah vat a nih tur thu a sawi a ni.