Liverpool forward Luis Diaz chu a khup hliam avanga a chawlh a ngai leh dawn tih a chian hnuah a inkhel thei lo rei dawn tih a chiang.
Colombian winger hian tun season a a lo chawlh phah tawhna khup hliam chu tunhnaia Dubai a training camp-ah a ti na leh a. Uluk zawka enkawl leh a ngai dawn.
Diaz hi Liverpool tana player pawimawh ber zing ami a ni der tawh a. A inhliam avang hian UEFA Champions League round of 16 a Real Madrid nen an inkhelh hunah a tel thei dawn lo.
Real nen hian February 21-ah Anfield-ah first leg an khel dawn a, March 15 a second leg an khelh hunah a inkhelh hman a beiseiawm lo bawk.
Diaz hi he hliam avang hian thla hnih chhung inkhel lovin a awm tawh.
Liverpool manager Jurgen Klopp chuan, “Kan zavai atan chanchin lawmawm lo a ni a, ani tan phei chuan a lawmawm lo zual. Training laia inhliam pawh a ni lova, training kan nei kha na a neih deuh avanga ennawn leh kan ni. Kan han hrechiang a, thil lawmawm lo tak kan hre ta a ni.” tiin a sawi.