Manchester United manager Erik ten Hag chuan club neituten an hralh tur chu an tan thil tha a ni tiin a sawi a. Club neitu hausa tak nei Manchester City leh Newcastle United te um a tum hle.
Thla hmasa khan United neitu Glazer chhungkua chuan club hralh lam an ngaihtuah tih an puang a. Kum 2005 a Pound maktaduai 790 a an lei club hi tunah Pound tluklehdingawn engemaw zat man daih ni tura ngaih an ni chungin lei duhtu nia sawi an awm nual
Ten Hag chuan club chungchang hi chief executive Richard Arnold chuan a hriattir hmasa tawh tih a sawi.
“Club kalphung leh kan kal dan turte kan sawi a, kan tum chiang takin kan sawihova, tuna kan thil kalpui tumte engmah a danglam dawn lo tih min hrilh.”
“Club neitu thar an awm chuan club-ah hian sum lut a tam lehzual dawn tihna a ni a, hei hi thil tha a ni. Tuna kan thil kalpui tum atan hian sum hman tur a tam zawk dawn tihna a ni a, hei hi a pawimawh dawn lutuk.” tiin a sawi.