Aizawl : Chief Minister Zoramthanga leh Numaligarh Refinery Limited (NRL) hotute chuan mau atanga Ethanol siam chungchang an sawi ho.
NRL hmalak tum dan leh Mizoram nen thawhho theihna tur te an sawihova. India ramin energy a intodelh a tumna leh ‘green fuel’ hman uar a tumna tihhlawhtlin chu an thil tum a nih thu an sawi.
NRL hmalakna zingah ethanol blending 10% chu India hmarchhak state-ah kalpui tum niin, eizawnna a siam phah tur thu te an sawi a. Mau atanga Ethanol fuel an siam hian paih awm loa mau pum hman tur a nih thu sawiin, lakkhawm awlsam berna tur processing centre atan thlan a tul thu leh plant dinna Tyra mamawh te presentation an pe.
CM chuan an hmalakna chu thil tha tak nia a hriat thu sawiin, zirchian ngai thil dangah state sorkarin a tul chuan a tawiawm zel tur thu a sawi a. A tam thei ang ber tualchhung mi te chhawr chu tha a tih thu a sawi bawk.
Meeting-ah hian Planning board vice chairman H. Rammawi bakah Mizoram sorkara mipawimawh dang te pawh an tel a ni.