Masi boruakah i cheng mek a, hetih lai hun hi nang leh i chhungte tan pawha hlim taka han nuih ho dar dar na tur hun remchang a lo ni leh zel bawk nen. Movies tha leh hmuhnawm tak, chhungkua pawha en ho theih tur ang chi chu i hmâ ah ngei mai chhawp chhuah a ni ta.
HOME A LONE (1990)
Kum 8 mi Kevin-a chu a chhungte nena France rama Masi hman an tum lai mekin a chhungte bulah tel ve lovin a tang khawtlai a. Khawhar taka a mah chauha In-a a awm laiin, misual pahnihin kawng hrang hrangin an tibuai a. Mak dangdai leh pui rem rem takin Masi a hman pah hial.
IT’S A WONDERFU LIFE (1946)
Hmanlai chang tawh mahse he film hi Masi a lo thlen dawn a piangin khawvel mipuite hian en ngei an tum Thin. Sawi fiah vak ngai lem lovin en ngei tum la, hlim taka Masi i hman ngei a beisei awm a ni.
A CHRISTMAS STORY (1983)
Tlaivar zana tawmpui atan chuan thil dang ni lovin he film hi thlang ta pawh ni la, i hlawkpui zawk mai thei. America ramah khuan December 24 tlaiah an chhuah ngei ngei thin a. TBS chuan darkar 24 chhung tak meuh a pe thin nia. Hmaih hauh suh ang che.
MIRACLE ON 34TH STREET(1947)
Inhnial buai a ngai lo. Santa Claus hi a takin a awm ngei a ni tih tanchhan duh tan chuan he film hian a puih ngei beisei tlat a ni.
ELF (2003)
Will Farrell hian dul thip urh khawpin min chawk tho leh dawn chu a ni a, chhungkuaa han enho atan chuan a tluk a awm chuang lo.
BAD SANTA (2003)
‘Nui lo viau ang’ ti engang mah la, i then sung thovang. Eng pawhnise, a nasa thei ang bera nui turin indah phawt mai teh. Santa rui ber bur thin hi engemaw takin i hlimpui viau ang.
THE SANTA CLAUSE (1989)
Tim Allen-a chet thatna ber a ni ti pawh ni ila, tawmpui tu che an tam hle ang. Tu emaw chetchhiatna chu nang pawhin i hlimpui mai thei a sin.
WHITE CHRISTMAS (1993)
‘Santa Claus’ ni lova, ‘Sandy Claws’ a nih dan ringawt pawh hi mak ve tak chu a ni. Masi film, animation movie en châkte tan chuan thlasik laia nilum ai veng veng ang a ni dawn a, zan tum tawi nan duhthlanna dik a ni ang.