Aizawl : Mizoram Secondary School Games vawi 39-na, Leisekawt Field, Serchhipa neih chu nimin khan khar a ni a. Saitual District-in Gold medal 4, Silver 3 leh Bronze medal 2 lain an champion.
Mizoram Secondary School Games-ah hian Aizawl district chu North leh South-a then a nih avangin district 12 atangin zirlai leh zirtirtu 696 an tel a. Infiamna discipline 6 – Athletics, Badminton, Football, Table Tennis leh Volleyball hmangtein an inel a ni.
Best Athlete (Girls) Gold 2 leh Silver 2 latu Ethel Lalpekhlui, Govt. N.E. Khawdungsei HS, Saitual district a ni a, Saitual district hi Athletic Girls-ah Team champion an ni.
Best Athlete (Boys) Gold 1 leh Silver 1 latu ZD Lalhunruata, Govt. G.M HS, Champhai district niin, Champhai District pawh hi Athletics Boys category-ah Team champion an ni bawk.
Badminton (Boys team)-ah Serchhip district an champion a, Girls team-ah Aizawl district South an champion thung. Football-ah Kolasib district an champion a, Volleyball-ah Khawzawl district an champion.
Table Tennis Girls team-ah Kolasib district an Champion a, Table Tennis boys team-ah Aizawl District South an Champion. Open Table Tennis Single boys-ah Hnahthial district an Champion a, Open Table Tennis Single girls-ah Aizawl Distict South an Champion thung.