Mizoram Gorkha Youth Association (MGYA) inkhawmpui 46-na chu vawiin khan Tuma Resort, Bung Bangla-ah MGYA Zemabawk branch-in an thleng a. Aizawl khawpui chhunga MGYA branch 11 te bakah Kolasib, Lunglei, Bualpui, Vairengte leh Siaha branch atangin palai 400 vel an tel.
MGYA inkhawmpui hi chawng hnihin an hmang a, chawhma lamah palai lawmna inkhawm branch report-a hun hmangin, sawihona hun an hmang nghal a, chawhnu lamah rorelin hun an hmang thung.
Kum 1976-a din MGYA hian Mizoramah branch 16 nei mekin, member 4000 vel an nei mek a ni.