Sorkarin tun thla ni 23, 24 leh ni 31 atan Aizawlah Chanmari leh Zodin Square inkar chu zing dar 10 atanga tlai dar 4 thleng ‘No Vehicle Zone’ ah a puang a. Hei hian Hospital emergency duty bakah, natna avanga damdawi in pan te erawh a huam lovang.Chanmari (Lower Chanmari, Bazarpui panna kawng huam telin) leh Zodin Square inkarah No Vehicle Zone hun chhungin lirthei eng chi mah hun/dah phal a ni dawn lo.
No Vehicle Zone huam chhungah zing dar 10 atanga tlai dar 4 thlengin mipui kea kal te tibuai thei tura kawngpui dunga thil zawrh leh dah khap a ni.
No Vehicle Zone hun chhungin Civil Hospital, Aizawl atanga lirthei chhuak, chhimlam pan tur te chu Civil Hospital road atangin Bazar Bungkawnah kaltlangin chhuah lama kal tur a ni.
No Vehicle Zone huam chhunga Taxi leh Two Wheeler Taxi Stand te chu Baza Tlanghnuai, AR Mandir opposite-a general parking lot-ah leh AR Quarter Guard hnuaia general parking lot-ah sawn a ni.
No Vehicle Zone hela lirthei tlan dan tur : Hmar lam pan ten tlak lamah – Treasury Square to Vaivakawn road via Temple Square zawhin Chanmari West lamah chhovin; Chanmari atangin Hmar lam an pan thei ang.Chhuah lamah – Sikulpuikawn to Ramhlun road via Republic Veng-College Veng – Bethlehem Veng – Chhinga Veng – Electric Veng lamah kal theih a ni ang a. Treasury Square to Electric Veng via Republic Veng – College Veng – Bethlehem Veng – Chhinga Veng lamah a kal theih bawk ang.
Aizawl khawpui chhung lut lo tur te chu Aizawl by-pass road ‘World Bank Road’ ah engtiklai pawhin a kal theih ang.
Ramthar Sihpui atanga Bazar pan te chu Bazar Bungkawnah chhuah chhoh phal a ni lova, Modern High School bulah kual thlain Chhinga Veng lamah an let ang.
Tuithiang peng, Chhinga Veng Pi Sapdengi in bul atangin chho zawngin tlan phal a ni lovang.Chhim lam pan tan – Chanmari Biak In to Vaivakawn road via Kawipui, Chanmari West. Bawngkawn to ITI road via Ramhlun, Electric Veng etc. Chanmari kawn atangin Lower Bazar road ah kal lovin Chanmari Biak In helin Hmar lam an pan leh tur a ni.
Hmar lamah – Maxi Cab chin hnuai lam tan passenger dah leh la tur ringawtin – Hrangbana College atangin Govt. Mizo High School Field thleng. Govt. Mizo High School Field hi Parking atana hman tur a ni ang a, hetah hian Dropping leh Pickup an ti thei ang a; an tlan chhohna kawngah let lehin Hmar lam panin an tlan ang. Zarkawt lamah tlan thlak phal a ni lo. Heta kal tur nilote chuan Chanmari Biak In helin Hmar lamah an kual let leh ang.
Chhimlamah : Zodin atangin Canteen kualah, AR Mandir helin Chhim lamah kual let tur a ni.Govt. Mizo High School Field chu Parking atana hman tur a ni ang. No Vehicle Zone avanga lirthei tlan dan tur ruahmanna hian chhiatrupna thil; kangmei leh emergency pawimawh bika duty, dan leh thupek pawimawh bika Police leh Magistrate duty-te chetvelna a huam lovang.