Sorkar aiawha COVID19 leh a kaihhnawih chungchanga thupuangtu Dr Pachuau Lalmalsawma-in Japan, USA, Republic of Korea, Brazil leh China-a COVID hrik chhuak thar BF.7 a pun chhoh mek zel avangin mipuite chu mask vuah that, midang hnaih tam loh leh kut tihfai thin te ngaipawimawh thar leh turin a ngen.
Hemi chungchangah hian Union Health Minister Dr Mansukh Mandaviya hova state hrang hrang te video conference hmanga inrawnkhawmnaah hmalakna tur te sawiho a nih thu Dr Pachuau Lalmalsawma chuan a sawi a. COVID19 laka himna tura tih tur pawimawh hrang hrang te ngaipawimawh thar leh theuh turin mipui a chah a ni.