COVID hri leng avanga kum hnih chhung dan pangngaia Krismas hman thei a nih loh hnuah Mizoram pumah boruak muanawm tak hnuaiah Kohhran hrang hrang ten dan pangngaiin Krismas an hmang leh ta a. Nimin lama ruai theh nghal an awm laiin, kohhran tam zawk chuan vawiinah Krismas ruai an theh dawn a, nimin lama ruaitheh tawh, vawiina nawn tur pawh an awm.
Krismas urlawk zan atanga tukin lam thlengin hunpui lawmna khua/veng hrang hrangah buaina liantham thleng a awm lo nia hriat a ni a. Dan leh thupek kengkawhtu leh venhimna lam thawktu Magistrate, Police leh ruihhlo leh a kaihhnawih do kawnga thawktu Excise force te rim takin an duty-a, khua/veng tam takah tlawmngai pawl ten an pui bawk.
Zoram hmun tam zawkah boruak a muanawm viaua a lan laiin Ngopa Chhim veng KTP-in an Biak In kawta Krismas puala ran in lem an sak chu a chhan hriatlohvin a kang a, a bulhnai kan kai erawh a nei lova, he thil thleng avang hian harsatna dang thleng zui a awm lo nia thudawn a ni bawk a ni.