ZPM thalai President Dr. C. Lalrammawia’n “MNF party hian hripui hi inphen nan an hmang a, SEDP hi nuamtawl nan an hmang thung” a ti.
ZPM Tawi West block annual meeting, Seling YMA Rûn-a vawiina neihah he thu hi ZPM thalai President chuan a sawi a. Mipui hnena SEDP Rs 25,000 sem chu SEDP chhemi nia sawiin, “SEDP executive board pawh an ṭhut hma hauhvin an duhsak zawng te leh a lailum kil phate chuan SEDP chu a nuai biin an lo dawng daih tawh” a ti.
ZPM thalai President chuan mipuia SEDP sem a nih hmain MNF sorkarin an duhsak zawngte hnenah SEDP chu Rs nuai 3,800 chuang an sem ral hman niin a sawi a. “MNF worker rau rauvah pawh SEDP semah inthliarna nasa tak a awm” tiin, ZPM member zingah SEDP dawng tura thlante an lo awm a nih chuan ṭangkai taka hmang tura chahin, “MNF sum ni lovin mipui sum in dawng a, mahse, MNF vote let erawh in ba lo a ni’, a ti bawk.
Dr.C Lalrammawia chuan MNF chuan SEDP an tlakpui ngei dawn nia sawiin, mipui ten hmasawnna tluantling chhawpchhuak thei sorkar an duh tawh zawk niin a sawi bawk a ni.