Kolasib bialtu, Minister K Lalrinliana’n Kolasib khaw chhung hmun engemawzahah Futsal ground siam tura ruahmanna a awm thu leh Semi indoor Volleyball court sa tura hmalak thuai a nih tur thu a sawi.
North Kolasib Games & Sports Association (NKGSA) Semi Indoor Basketball Court, gallery leh volleyball court nimina a hawnnaah he thu hi Minister K Lalrinliana chuan a sawi a. Khawtlang hmasawn turin a chhung a cheng te an hrisel hmasak a pawimawh thu sawiin, infiamna chu taksa tihriseltu leh nun vawngtu hmanraw pawimawh a nih avangin infiamna uar zel turin kalkhawmte a chah bawk.
Marvin’s Construction aiawh Lalnunsanga’n a sawi danin, Kolasib-a Semi Indoor Basketball court hi April ni 17, 2022-ah sak țan a ni a. Feet 101-a sei, feet 61-a zau leh feet 25-a sanga sak niin, Rs. nuai 46 vel senga sak a ni.