Kum a lo thar hian kumhluia thil thleng chhinchhiahtlak te hunchhuah thin niin, UK Top Hits 2022-ah Harry Styles-a’n Ed Sheeran a khum chiang hle.
A hla hit, ‘As It Was’ chetthatpuitu hi British Phonographic Industry (BPI) chuan Official Charts Company data behchhanin Harry hi chungnung berah an dah a, ‘As It Was’ phei hi chu nikuma UK-a hla ngaihthlak zin ber a ni.
UK chart-ah kar sawm zawnin No.1 a hauh a, vawi maktaduai 108.9 stream niin, Billboard Hot 100-ah kar 15 chhung a lerah a thu tawh bawk a, British artist zinga he nihna chelh thei hmasa ber a ni bawk.
Ed Sheeran tan pakhatna nih a remchang ta lova, pahnihnaa lungawina a zawn a ngai ta. Chanchin lawmawm erawh pahnihna leh pathumna a ni kawp thei hi a ni a. Single, ‘Bad Habits’ leh ‘Peru’ te a chetthapui lawr lak.