Aizawl : State level sub-committee on fire prevention, an Chairman, Forest Mi- nister TJ Lalnuntluanga hova nimina thukhawmin kumin February ni 6 atanga ni 10 chhungin Kangmei ven hapta (Fire prevention week) hman an rel a, Lo/ huan/leipui hal tur te chu kuminah March ni 15 ral hmaa hal vek turin an ti bawk.
Forest Minister hova thukhawm ch- uan Mizorama ramkang tam ber chu Lo, leipui leh huan hal atangin a nih thu an sawi a. Lo hal avanga thlawhna service tibuai thei pumpelhna turin Lengpui khaw chhehvelte chu chawhnu dar 3:30 hnulamah chauh hal turin an ti.
State level sub-committee on fire prevention chuan kumin thal, kangmei chhuah hlauhawm laiin ramkang chungchang awareness campaign district hrang hrangah nasa leh zuala neih an rawt a. State level award – district inelna leh district hrang hrang chhunga khaw hrang hrang kangmei ven that kawnga inelna pawh buatsaih leh an rel bawk.