Premier League ah hma an hruai a, an chetthatna thin cup inelna lamah pawh Gunners an che tha. Oxford United lakah hnehna changin FA Cup fourth round an lut.
Thawhtanni zana Kassam Stadium a inkhel Arsenal tan inhliam Gabriel Jesus aia khel Eddie Nketiah chuan goal hnih a khung a. Hnehna an chan theih chhan lian tak a ni.
Arsenal striker hian second half-ah minute ruk chhungin goal hnih a khung a. Goal a khung hma in Mohamed Elneny chuan goal hmahruai a khung.
England a football inchherchhuan dana league sang ber pathumna League One a khel Oxford hian first half-ah an mikhualte hi an chelh tluan a. Second half-ah erawh Fabio Vieira leh a teammate te an veng zo lova. Portuguese playmaker ke atangin ball tha a chhuak hnem.
Gunners manager Mikel Arteta chuan goal hnih khung Nketiah a fak a, “A thiamna sang a lantir a, a taima telh telh bawk. A inkhelah ka lungawi hle. Striker pakhat chauh kan nei a, Gaby a la chawl rei dawn bawk. Kan neih chhun angte kan hman tangkai a ngai.” a ti.