France goalkeeper rinrawl Hugo Lloris chuan Thawhtanni zan khan ram tana inkhelh a chawlhsan thu a puang.
Kum 36 mi Tottenham goalkeeper hi France tan vawi 145 inkhel tawh a ni a, Russia a kum 2018 World Cup an chawi tum khan Les Blues captain niin trophy a chawi.
Kum 2008 khan ram tan inkhel tanin France team hi tum 121 a captain tawh.
“Kan dinhmun kan inkian hun hi a awm tur a ni a, vawi tam tak French team hi mi pakhat chauh ta a nih loh thu ka sawi tawh thin, hei hi keimah atangin kan tan a ngai. Team in hmalam pan a inpeih a, Mike Maignan a inpeih tawh.” tiin Lloris chuan a sawi.