Borussia Dortmund forward Sebastien Haller chuan a cancer avanga zai a tawh a enkawl a nih hnuah training a zawm leh tawh.
Ivory Coast international hian nikum July thla a Ajax atanga Euro maktaduai 31 a German club a zawm hnuah an tan a la inkhel miah lova. Kum li contract a ziah atanga kar tlemte a liam hnu lekah a cancer tih hmuhchhuah a ni.
Kum 28 mi Haller chuan, “Tun thla ruk chhung hi a hautak hle a, mahse training ka zawm leh thei hi ka lawm hle.”
“Ka thiante ka zawm thei hi ka hlim a, boruak nuam tak karah training nuam tak kan nei thei hi ka lawm hle a ni.” a ti.
Eintracht Frankfurt leh West Ham striker hlui hian, “Engkim hi theih loh a awm lo, ka rilruah hian inbeisei chin ka nei lo. Ka hmabak min tuk sak thei tur chu coach leh medical staff te chauh an ni a, kei chuan engkim tih ka duh a. Ni 22 a inkhel thei turin ka theihtawp ka chhuah ang.” tiin a sawi bawk.