Larsap Hari Babu Kambhampati-a’n Mizoram assembly inkhawm, buadget session chu February 7, 2023 chawhma dar 10:30-a tan turin a ko va, deputy speaker hmun ruak luahtu tur thlan a nih rin a ni.
Larsap chuan nimin khan Assembly thutkhawm kohna hi a tichhuak a, tun tum assembly inkhawm hi assembly ding laia vawi 11 thutkhawmna tur niin, budget session a ni nghal ang.
Assembly thutkhawm rei zawng leh hun hman dan tur chu Assembly Speaker Lalrinliana Sailo kaihhruai Business Advisory Committee (BAC) thukhawmin an la duang dawn a ni.
The Zozam Times zawhna chhangin assembly speaker chuan tun tum thutkhawmah hian deputy speaker hmun ruak luahtu tur thlan a nih a rin thu a sawi a. |hutkhawm tan hmaa deputy speaker tur, rorel lai MNF party hotuten an tihfel hman chuan thutkhawm hun bul lamah thlan theih a nih a rin thu a sawi.
Kumin kumtawp lamah assembly thar siam tura inthlanpui buatsaih a nih a rinawm a; chuvangin, tun tum hi tun assembly hun chhunga awmze nei tham inkhawm neih tawpna tur a ni dawn a, term kal lai meka budget session hnuhnungber tur a ni.