Mara Autonomous District Council, MADC a Chief Executive Member M. Laikaw chuan house-ah fiahna a paltlang.
MADC Session Hall-ah nimin khan Laikaw sorkar fiahna neih a ni a, fiahna hi MADC Chairman N. Viakhu chuan kaihruaiin eptu atangin H. Malvina leh Nahlo Solo ten sorkar lai rintlak loh a nih dan an sawi a, rorel lai aiawhin S. Lalremthanga leh K. Hrahmo ten an rintawkna thu an sawi a. Sorkar thar thlawptu member 15 an awm a, sorkar thlawp lo pariat an awm thung.
Laikaw chuan lawmthu sawiin, New Maraland din a tum thu leh a kaihhruai sorkar chuan sorkar tha leh rintlak lam hawia hma a lak tur thu a sawi a ni.