Aizawl : Aizawl East-I bialtu MLA, Zoramthanga, Chief Minister chuan nimin khan Sihphir VC House leh Rohrenga Hall a hawng.
Sihphir VC House hi LAD sum cheng nuai 10 hmuh hmanga bul tan a ni a, bank loan hmanga sak niin, hall hi khawtlang bazar hmun ding sa chunga sak a ni. Rohrenga Hall hi feet 54×36 a zau a ni.
Hawnna inkhawmah thu sawiin bialtu MLA Zoramthanga hian, khawtlang inrelbawlna atana tangkai tak tur changtlung tak leh vantlang punkhawmna atana hmun remchang tha tak hall tha tak hawn a ni chu lawmawm a tih thu a sawi a. A hlawhtlinna tura khawtlang hruaitute hmalakna leh anmahni tawiawmtute chungah lawmthu a sawi.
Hall hming atana Sihphir lal hlui Rohrenga hming vuah a ni chuan mi hmasa mi ropui te chawimawina rilru an pu tih a lantirin, a fakawm hle a ni, a ti.