Aizawl : West Tuipui Bialtu MLA Nihar Kanti Chakma chuan Young Chakma Association member te chu Mizo tawng zir uar tur leh Mizo subject la vek turin a chah.
Nihar Kanti Chakma hian ni hnih awh tur Kamalanagar-a Central Young Chakma Association (CYCA) General conference vawi 43-na neih chu nimin khan a hman pui a. Thu sawiin, CYCA te hi khawtlang leh mipui rawngbawl tu an nih angin, ramngaw hum halh leh tui hna a kang chah palh a hlauhawm tawh avangin lui tui humhalhna kawngah nasa zawk a tan lak nasat a tul hle tih a sawi.
West Tuipui Bialtu MLA chuan, zirna lam a tan la turin thalai te a fuih bawk a, infiamna lam pawh uar lehzual tur in a chah bakah, CYCA te chu khawtlang nun siamthatu an nih angin thalai te ruihhlo laka an fihlim theihna turin nasa zak a tan lak vek turin a sawm bawk.
Central YCA khawmpui hi CYCA Vice President Milon Chakma-in a kaihruai a. Nimin chawhnu khan hruaitu thar thlanna an neih a, vawiin hian General Conference hi an hmang chhunzawm leh dawn a ni.