Aizawl : Serchhip Dist Information & Public Relations Officer (DIPRO), I&PR Dy. Director ni bawk K. Saitluanga’n nimin khan Serchhip dist MJA member te kumthar thingpui a inpui a, thuthar rintlak puanzar kawnga thawhho zel dan tur a sawipui.
DIPRO chuan MJA nena tha taka an thawh- ho tawhnaah lawmthu sawiin, sorkar hmalakna hrang hrangah te kuminah pawh tha taka thawhho puiah a sawm a. I&PR Serchhip district office-ah chanchinbu mite chu inti neitu taka awm turin a chah.
Serchhip district MJA President C. Lalhminghlua pawhin MJA leh I&PR department-in thawhhona tha an neih avanga lawmawm an tih thu a sawi a. Social media chak tak karah sorkar leh mipuiin rintlaka an ngaih chu chanchinbumite an la nih thu pawh sawiin, tha leh zual leh hmasawn tura hnathawk tura inbuatsaih a tul thu a sawi a. Thudik leh rintlak chauh puangzar thin tura an infuih thin thu leh zau zawka hmalak theihna tura inzir zel tur leh an hna zahawmna humhim zel tura an infuih thin thu a sawi bawk.