Italy champion lai in Coppa Italia quarter-final an lut zo lova. Extra-time tawp dawn lamah goal chhuahin 1-0 in anmahni aia tlem zawk Torino lakah an tlawm.
Nilaini zana San Siro a Coppa Italia round of 16 inkhelah Torino hian minute 114-naah midfielder Ndary Adopo hmangin goal an khung a. Minute 69-naah defender Koffi Djidji chu yellow card a hmuh nawn avangin hnawhchhuah a ni a, tlem zakw ni chungin khel rei mahse Torino in result ropui an nei thei.
Coppa Italia a vawi nga champion tawh Torino hian kum 1993 hnuah he trophy hi an la chawi leh lova. Penalty hmanga chak zawk zawn mai a ngai dawn nia a lan hman laiin Adopo-a’n penalty area chhunga huntha a neih chu inkhel tidanglamtu ni turin goal-ah a khung.
Quarter-final hi Milan hmelma Inter Milan chuan Parma hnehin an lo lut ve tawh bawk.