Tun dinhmuna milar thawm thangvel ngah tak Prince Harry chanchin ziahna, ‘Spare’ lehkhabu thar hralh a kal miah miah hle a, tlangzarh atanga ni khat ral hnu ah copy maktaduai 1.4 chuang an hralh hman.
He lehkhabu chhuahtu Penguin Random House tarlan danin, non-fiction huangah ‘Spare’ hian record thar a siamchiang hle a; US, UK leh Canada ah phei chuan an inchuh buai nasa hle. NI khat thil thu-a Obama te’n record an lo siam tawh a thaichhe rang hle bawk.
‘Spare’ bu hi January 10, 2023 Thawhlehni khan format hrang hrang hmangin heng ram pathumah te a ruala tlangzarh a ni a, US President hlui Barack Obama, ‘A Promised Land’ (2020) leh a nupui first lady hlui MIchelle Obama, ‘Becoming’ (2018) te a khum hneh.
Obama chanchin tarlanna hi US leh Canada-ah nikhat thil thu ah copy 887,000 hralh niin, a nupui lehkhabu zawk hi copy 725,000 an hralhchhuak a ni.