Aizawl : AAY leh PHH (Ration card eng leh card pawl) te tana kum 2023 January atanga buhfai a thlawna sem tur chungchang leh Fair price shop dealer (retailer) te tana hriattur pawimawh chungchangah District civil supply officer (DCSO), Lunglei Carolyn LB. Khiangte-in hriattuirna a tichhuak.
Sorkar laipuia Consumer Affairs Ministry-a department of Food & Public distribution-in hriattirna a tihchhuaha a tarlan danin National Food Security Act, 2013 section 3 hnuaia beneficairy (AAY leh PHH) card eng leh card pawl te tan January, 2023 atang hian kumkhat chhung ration buhfai a thlawna sem tur a ni a. AAY card pakhatah Kg 35 zel leh PHH member/beneficiary pakhatah Kg 5 zela sem tura ruahman a ni.
Hemi chungchangah hian Fair price shop dealer (retailer) ten AAY (Card eng) leh PHH (Card pawl) nei te hnenah buhfai chu a thlawnin an sem tur a ni a. Ration chu online-a sem chhunzawm tur niin, e-POS leh digital weighing scale an hmang ngei tur a nih bakah e—POS print receipt pawh ration latu te hnenah pek ngei tura tih a ni bawk.