Aizawl : Mizo hnam peng pakhat, Chorei te chuan Young Chorei Association buatsaihin Chinzawl khua, Thangramah ‘Khambar Kut’ nilaini khan an hmang.
He Kut hi buhseng puala hman thin a ni a. Kut chhim tur hian India hmarchhak state hmun hrang hrang atangin palai an kalkhawm a. Mizoram atang pawhin Langkaih Group YMA te’n an hmanpui bawk.
He hunah hian hnam lam, zai leh thusawi ngaihthlak leh thlirho a ni a, Chorei zirlai titha te leh ACS tling thar te hnenah chawimawina hlan a ni.
January 9, 2023 zan atang khan Kut hi hman tan niin, Nilaini zan khan khar a ni. He Kut ah hian chhimtu palai 9,000 chuang an kalkhawm a ni.