Thenzawl Joint MHIP chuan nimin khan Mizoram Tennis infiamnaa tum 25 zet hmeichhe champion nihna hauh tawh, HT Lalengmawii chu Vantawng Group YMA Run, Thenzawl Bazar vengah chawimawina hun an hmang.
He hun hi Joint MHIP President R. Vanpari’n kaihruaiin, Secretary PC Ramthianghlimi’n lawmpuina leh fuihna thu a sawi a. HT. Lalengmawii hnenah hian Joint MHIP hian lawmpuina thuziak leh pawisa fai pein, MHIP Branch hrang hrangten thilpek an pe bawk.
Thenzawl Joint MHIP ten chawimawina an hlan HT. Lalengmawii (d/o Pu HT. Lalrimawia), Thenzawl Model Veng hi Mizoram hmeichhe Tennis Number One nihna hauh reng thin niin, tennis inelna hrang hrangah tum 25 a champion tawh a ni.