Chawlhkar khat zet liam tawha China-a rangkachak laih chhuahna khura chhiatna thlenga lei hnuaia tang mi 12-te chu an la dam niin chhanchhuah hna thawktute chuan an sawi a, hima lak chhuah theih beiseina a lian hle.
Sorkar chanchinbu chuan heng miner-te hian ni sarih a liam hnuah chhanchhuah hna thawktute hnenah hian lehkha (note) an thawn niin a tar lang.
Khur chhungah hian thil a puak a, miner dang 10-te chu an chin hriat theih an la ni lo va, 12 erawh an la dam a. Thil puak hi eng nge pawh hriat a la ni lo.
January 10-a Shandong province, Yantai bul lawka Hushan mine-ah hian thil puak avang hian a chhunga awm lai thawktu mi 22 an tang.