Mizoram sorkara Tourism department-in khualzinte thlen theihna Homestay 77 a enkawl mek a, Tourist lodge 69 awm mek zinga 27 chu department pawnlam mi enkawl tir an ni.
Minister of state Robert Romawia Ro- yte enkawl departme- nt pathum – Tourism, ICT leh Sports & Youth Services depa- rtment ten kum 2019 atanga 2022 inkara an hnathawh leh hmachhawp te thlirhona hu- nah Tourism department-in Homestay 77 a enkawl mek thu leh Tourist lodge 69 awm mek zinga 27 chu department pawnlam mi enkawl tir an nih thu hi tarlan a ni a. Kum 2019-2020 inkarah State GDP 3.81% an tum ve thu leh kum 2020-2021 ah 3.41% chu an chhunluh a nih thu tarlan a ni bawk.
A changtu Minister of State Robert Romawia Royte hova department hnathaw- hte thlirhonaah hian Adventure leh Eco-Adventure Tourism, Wildlife and Eco-tou- rism, Sports Tourism leh a dangtea hmasaw- nna nei tura hmalak mek a nih thu tarlan a ni a. Mizoram Tour- ism tag line atan ‘My- stical Mizoram’ chu thlan a nih thu leh kum 2019-2020 in ka- rah khualzin mi nuai 1.61 velin Mizoram an tlawh thu tarlan a ni.
Tunhnaiah Mizoram sorkarin Mizoram Responsible Tou- rism Policy 2020 a taka hmanga a tihhlawhtlinna tura Sustainable Tourism kal- pui a nih thu pawh tarlan a ni bawk.
ICT Department hmalakna zingah optical fiber network chu thingtlang khaw hrang hrangah thlun a ni a. Mizoramah 5G a luh theih na tura hmalak mek a nih thu tarlan niin, ICT enkawl Sta- te Data Centre pawh tihphuisui zel a nih thu tarlan a ni.
Mizoram sorkarin November ni 15, 2019-ah Sports Policy thar a pawm thu pawh tarlan niin, Sports po- licy hi vision mumal tak neia, Mizo thalaite zinga infiamna lama mibik ten infiamna khawvela inelna sang berah te tel phaa, hla- whtlinna an neih theihna atan te, infiamna lama eizawnna tha an hmuh theihna tan te, infiamna ruhrel tha an neih theihna atan te leh Mizo mipuite hnam hrisel nih theihna atan tea duan a nih thu tarlan a ni.
Infiamna lama mi- hlawhtling te chu Mizoram sorkar hnuaia Group B, Group C, Group D post direct-a lak turah za-a 5 hauhsak an nih thu pawh tarlan niin, sorkar hna- thawk mek te tan pawh promotion an hmuh theihna tur ruahmanna siam tel a nih thu tarlan a ni a. Sports chu Industry dinhmuna hlangkai a nih thu leh Mizoram chu India rama infiamna industry dinhmun pe hmasa ber state a nih thu tarlan a ni bawk.