Health Minister Dr R Lalthangliana chuan kumin atan a pisa chu nimin atang khan a luah tan.
A pisa a luah tan niah Health Minister hian a personal branch-a thawktute nen Pathian hnena inhlan tharna an nei a. He hunah hian Esther Lalruatkimi, Prinicipal Secretary, Health & FW department, C&I department leh H. Vanlalchuangi, Addl.Secretary, H&FW, department, Higher & Technical Education-te pawh an tel a ni.
Kum thar atana inhlan tharna hunah hian thu sawiin Dr R Lalthangliana hian, kum 1998-2008 inkarah Minister kum 10 a nih chhung ai khan tun ang reng renga department leh staff-te thawhhona a that a hriat ngai loh thu sawiin, lawmawm a ti a. Chutih rualin, sorkarna chelhtu nih chuan hriat loh karah tihsual palh zeuh a awm thei a, inhrethiam tawnin inpumkhatna leh inlungrual tlanna hi a pawimawh ber a tih thu leh theih tawpin Pathian leh mipui tan hna an thawk zel dawn tih a sawi.