Aizawl : Mizoram Larsap Dr Hari Babu Kambhampati-a’n kumin February ni 1-ah zan khat riakin Champhai tlawh a tum a. Larsap lo dawnsawn dan tur ngaihtuah hian nimin khan Champhai Bawrhsap James Lalrinchhana hovin a kaihhnawih mipawima- whte an thukhawm.
Champhai Bawrhsap chuan sorkar departme- nt hotute chu mahni Department enkawl theuh hmalakna langsar leh hlawhtlinnate chhawp -chhuak thei tura inruahman theuh turin a chah.
Ruahman dan chuan Larsap hian Champhaia a cham chhungin sorkar department hotute, banker, NGO, political party leh sakhaw hruaitute a kawm dawn a. Tlangsam Winery tla- whin Grape chingtute a kawm bawk ang.
PMAY (Urban), PM- AY (Rural) leh PMUY (Ujjwala) hamthatna dawngtute pawh Larsap hian tlawhin a kawm dawn a. Zokhawthar pawh tlawhin Assam Rifles office leh Customs office-te a tlawh ang a, Champhai district a tlawh hnu hian Khaw- zawl district a tlawh zui nghal dawn bawk.