Indigenous People’s Front of Tripura (IPFT) chuan Tripura assembly inthlan dawn lai mekin an general secretary, Aghore Debbarma chu an party kal zawnga a chet avangin an suspend.
IPFT General Secretary Debbarma hrem a ni hi an state inthlan nan thla khat pawh hun a awm tawh lo tiha kalpui a ni.
“Disciplinary Committee, IPFT-in tul a tih angin Pu Aghore Debbarma, General Secretary (Organisation) chu party kal zawnga a chet avangin suspend a ni,” tiin an suspend-na lehkha an tihchhuahah an tar lang.
Debbarma hi hriattirna chhuah atang thla ruk chhung atan suspend phawt a nih thu tar lan a ni bawk.
Debbarma hremna pek a nih hma lawk hian IPFT chuan inthlan atan hian Pradyot Debbarma kaihhruai, TIPRA nen inchhunfinin inthlan an chuh dawn thu an puang bawk.