Aizawl : Tun thla ni 18 atanga National Girl Child Day denchhena district hrang hranga hun hman tan chu nimin khan khar a ni a. National Girl Child Day denchhena hun hman kharna ink- hawm Tourist Lodge, Chaltlanga, Aizawla neih chu Social Welfare and Tribal Affairs Minister Er. Lalrinawma’n a hmanpui.
Aizawla National Girl Child Day denchhena hun hman kharna inkhawmah hian National Girl Child Day denchhena zirlaite tana lemziaka inelnaa lawm- man latute hnenah lawman sem a ni a. Hun hmanpuitu Minister Er. Lalrinawma chuan hmeichhia te chu tuna an thlen china duhtawk mai lova theitawp chhuah zel turin a fuih a. “National Girl Child Day hian rahtha chh- uah se, mahni nihna leh awmhmunah theuh rahbi thar min rahtirtu ni ngei se” a ti.
National Girl Child Day puala hun hman chhung hian hmeichhe naupangte dikna leh chanvo humhalh kaw- nga inzirtirna lam hawi inelna hrang hrang te buatsaih a ni a. Hmeichhe naupang humhim chungchang leh an dik- na leh chanvo humhim chungchanga mipui zir- tirnate kawng hrang hrang hmanga kalpui thin a ni bawk.