Lunglei high powered committee (HPC) Vice Chairman Lawmawma Tochhawng-in hmasawnna hna leh intodelhna hnathawk tak tak turin hmunhma nghet neih a pawim- awh nia sawiin, HPC-in a tum ber chu thl- aithara Lunglei disttict a intodelha, thawnchhuah tham neih a nih thu a sawi a. Hemi kawngah hian nasa taka HPC hmanga hmalak a nih thu a sawi bawk.
He thu hi HPC fund Rs nuai 37 senga sak Irrigation & Water Resources department (I&WRD) Executive Engineer Quarters, Lunglei Ch- anmari ami nimina a hawnnaah HPC Vice Chairman chuan a sawi a. Kum 2008 February aṭangin HPC-in sum an hman tur chu Mizoram bu- dget-ah dah ṭan a nih thu sawiin, sum hmuh tam ber chu intodelhna lam hawi atana hman tura tih a nih thu a sawi.
HPC Vice Chairman-in a hawn tak I&WRD E.E Quarters hi RCC building, Zopa chhiara chha- wng hnih, a dung ft 40, a vang ft 30 niin, kum 2017 aṭanga khan a sakna tur sum chu Lunglei HPC fund aṭanga dah ṭan a nih thu sorkar thuchhuahin a tarlang.
Lunglei HPC Vice Chairman Lawmaw- ma Tochhawng chuan pawisa awm ang ang te a nih dan tur ang taka hman nia sawiin, building ṭha tak sak puitlin a ni chu lawmawm a tih thu sawi- in, theihtawp chhuah- tu deparment-a thawktute pawh fakawm a tih thu a sawi.
I&WRD EE Quarters bul lo ṭana, thui tak hma lo la tawh tu HPC Vice Chairman hlui S. Laldingliana leh Joseph Lalhimpuia te an nih thu sawiin, “an fakawm hle a ni” a ti bawk.