MNF thalai President Dr. L. Tha- ngmawia’n tun thla ni 23-a MNF party ofiice Hnam Run-a MNF party chhung inkhawma ruling leh opposition bialah SE- DP dawng tur inzat ṭheuha ruahmana a nih thu a sawi chu ZPM party thalaiin mipuite zahlohna leh mipuite hruaikawi thei ṭawngkam nia an hriat thu an sawi.
ZPM thalai chuan SEDP-ah ruling leh opposition inthliarna nasa tak a awm nia sawiin, “Local/Village level SE- DP committee-ah MNF kaih- hruai LC/VC ah chuan MNF LC/VC-te hruaitu an nih mai laiin, ZPM kaihhruai LC/ VC-ah te chuan ZPM LC/VC te thlimin MNF party mi Chairman-a ruat an ni” an ti a. “He thil avang pawh hian MNF thalai President thusawi hi awih harsa kan ti hle” an ti.
Kum 2018 inthlanpuiah SEDP Rs. nuai 3 sem chu MNF party hruaitute intiamna a nih laiin, tun thlengin chhungkaw harsa zawkte hnenah Rs. nuai 3 sem a la ni lo niin an sawi a. “Heti chunga an term tawp dawn lamah pawh hetiang thu ho mai mai MNF thalai President-in a la aupui hi zah tawrh chak thlakah kan ngai” tiin, chhungtin hnenah an lo intiam tawh anga kumin inthlan hma ngeia Rs. nuai 3 aia tlemlo, nuai thum chunglam sem tura MNF sorkar an phut thu an sawi bawk.