Central Bureau of Communication, Manipur chuan Election Commission-in National Award a siamah a hmun ngeia voter-te hnena vote thlak tura a beih nasat avangin Best Government Category-ah chawimawina a hlan.
Imphal Regional Office, CBC hian EC-in National Award for Best Electoral Practices in the Best Government Department Category-ah chawimawina hi a dawng a. Chawimawina hi Feb-March, 2022 chhunga Manipur assembly inthlan lai vela hnam lâm leh zai leh lemchan hmanga voter-te hnena votethlak pawimawhzia a zirtir that avanga hlan a ni.
President Droupadi Murmu chuan New Delhi-a Maneckshaw Centre Annual National Voters’ Day hmannaah B.Narayanan, DG (North East Zone), CBC hnenah chawimawina hi a hlan.
Regional Office, CBC-in SVEEP campaign a thlaknaah hian officer leh thawktu dang bakah district hrang hranga field office-a thawktute telin Manipur-a hmun 150 velah hun an hmang a. An hun hmanna hmunte hi hmun kilkhawr tak tak niin chawlhkar nga vel chhung an che chhuak.
Beihpui an thlak hi Manipur-a Chief Electoral Officer leh District Election Officer te tanghovin an tih a ni a. An beihpui thlaknaah hian vote thlak kalphung leh inthlannaa voter zinga tumah hmaih neih loh chu an thupui ber a ni.
An beihpui thlak hian rah tha tak a chhuah a, hun an hmanna polling station apiangah a hma assembly inthlan aiin vote a tla tha zawk vek a ni.